From Abovyan local employment center
Հարգելի գործընկեր`
Տեղեկացնում ենք Ձեզ, որ Աբովյանի զբաղվածության տարածքային կենտրոնի նախաձեռնությամբ և աջակցությամբ 2010թ.-ից ստեղծվել և գործում է Գործատուների Խորհուրդ, որի նպատակն է շահագրգիռ կողմերի հետ համատեղ քննարկել Աբովյանի տարածաշրջանի տնտեսական զարգացման հնարավորությունները, խնդիրները և հեռանկարները:
Հմտություններ չունեցող ու տեխնոլոգիապես հնացած մեթոդներով աշխատող մարդիկ բացասական ազդեցություն ունեն վերը նշվածի իրականացման հաջողության համար: Կրթված աշխատուժն էական նշանակություն ունի գործող ձեռնարկությունների գոյատևման կամ նոր ընկերությունների ստեղծման համար:
Գործատուների Խորհրդի խնդիրներն են`
-Վերհանել` աշխատուժի հետ կապված գործատուների վրա բացասաբար անդրադարձող խնդիրները և ռեսուրսների համախմբման միջոցով ձևավորել որակյալ աշխատուժ
-Մշակել ծրագրեր և առաջարկել փոփոխություններ զբաղվածության ու մի շարք այլ անհրաժեշտ օրենքներում` շրջանում առկա աշխատատեղերը պահպանելու և ավելացնելու նպատակով
-Գործատուների շրջանում տարածել տեղեկություններ աշխատուշակայի մասին
-Կազմակերպել միջոցառումներ` համաշխարհային տնտեսական ճգնաժամից գործարար ավանդույթները պահպանելու և արտագաղթը դիմադրելու համար
-Տաղանդավոր մարդկանց ներգրավել համապատասխան աշխատանքներում
-Հակազդել տնտեսական կազմակերպությունների մոտ տեղի ունեցող անցանկալի զարգացումներին
-Մշակել միջոցներ` աշխատաշուկայում խոցելի համարվող խմբերի շահերի պաշտպանության և թերպատրաստված երիտասարդության զարգացման համար և այլն:
-Հանդես գալով առաջարկություններով և, մասնակցելով Գործատուների Խորհրդի քննարկումներին, Դուք կարող եք քաղել հետևյալ օգուտները`
-Ընդլայնել ծանոթությունների շրջանակը և հաստատել գործարար նոր կապեր ու գործընկերություններ
-ՈՒնենալ թափուր աշխատատեղերը որակյալ աշխատուժով համալրելու ընդլայնված հնարավորություններ
-Հայտնաբերել նոր հնարավոր հաճախորդներ և կողմնակիցներ
-Համայնքում ձեռք բերել կարգավիճակ և այլն:
Գործատուների Խորհրդի կազմում ներկայումս ընդգրկված են`
1. Աբովյանի քաղաքապետարանի
2. Աբովյանի զբաղվածության տարածքային կենտրոնի
3. <Սարանիստ> ՍՊԸ-ի
4. <Թամարա> ՍՊԸ-ի
5. <Արզնու տոհմային ԹՏԽ> ԲԲԸ-ի
6. <Պոլի-Սերվ> ՍՊԸ-ի
7. <Մուլտի Ագրո> ՍՊԸ-ի
8. <Կոտայքի ՃՇՇ> ՍՊԸ-ի
9. Լ.Օրբելու անվան համալսարանի
10. Բյուրեղավանի արհեստագործական ուսումնարանի ներկայացուցիչները:
Խորհրդի աշխատանքային պլան ծրագրերի մշակման համար դիմում ենք Աբովյանի տարածաշրջանի բոլոր կազմակերպություններին ցուցաբերել ակտիվ մասնակցություն և ցույց տալ լրացուցիչ առաջարկություններ հետևյալ հասցեով.
ք.Աբովյան, Բարեկամության հրապարակ 1, Աբովյանի քաղաքապետարանի վարչական շենք 1-ին հարկ, Աբովյանի զբաղվածության տարածքային կենտրոն
հեռախոս 0222 20315, 0222 24552
էլ.փոստ` abovyan@employment.am
Ցանկանում ենք բոլորիդ ստեղծագործական նորանոր հաջողություններ մեր քաղաքին վերադարձնելու իր արդյունաբերական և կուլտուրական երբեմնի փառքը:
Լավագույն բարեմաղթանքներով`
Աբովյանի տարածքային Գործատուների Խորհուրդ:
Մարտ 2012թ.
ք.Աբովյան
