Archive for Mass Media

Արտաշես Մեհրաբյանը Աբովյանի քաղաքապետի ընտրություններից առաջ բավական ուշագրավ բացահայտումներ է անում:

Ասուլիս ՀՀԿ-ի շարքերից հեռացված Արթուր Հարությունյանի հետ

«Ծառուկյանի, իրա փեսան ու սափրագլուխ Էդոն չեն որոշողները»

Աբովյանում այսօր մեկնարկեց քաղաքապետի ընտրությունների քարոզարշավը

«Ծառայելու եմ Քրիստոսի և նրա հրեշտակների նման». Ում դեմ է առաջադրվում Աբովյանի նախկին քաղաքապետը

Աբովյանի նախկին քաղաքապետ Կարապետ Իսրայելյանը այսօր հաստատեց այն տեղեկությունը, որ ինքը մտադիր է մասնակցել Աբովյանի քաղաքապետի արտահերթ ընտրություններին:«Այո, ես առաջադրվելու եմ քաղաքապետի ընտրություններում, որովհետև ես ծնվել եմ Աբովյան քաղաքի համար, 50 տարի ապրել եմ այս քաղաքում և ուզում եմ իմ մնացյալ կյանքը ևս ծառայել իմ քաղաքին ու նրա ժողովրդին»,- մեզ հետ զրույցում հայտնեց Իսրայելյանը:

Կարապետ Իսրայելյանը Աբովյանի քաղաքապետ է եղել 1999-2008թթ., և այդ պաշտոնում նրան փոխարինել է Կարապետ Գուլոյանը: 2008թ.քաղաքապետի ընտրություններում Իսրայելյանը չառաջադրեց իր թեկնածությունը և չպայքարեց քաղաքապետի պաշտոնի համար՝ տեղյակ լինելով, որ ԲՀԿ նախագահ Գագիկ Ծառուկյանը այդ պաշտոնում ուզում է տեսնել իր փեսային: Պատասխանելով հարցին, թե ինչո՞ւ այն ժամանակ, երբ Ծառուկյանի փեսա Կարապետ Գուլոյանն էր առաջադրվել, ինքը չառաջադրեց իր թեկնածությունը և կամավոր զիջեց քաղաքապետի պաշտոնը, Իսրայելյանն ասաց. «Այն ժամանակ զիջել եմ երիտասարդներին, մեծ մարդ եմ, տանը նստել եմ, նայել եմ, թե ինչպես են կառավարում: Տեսնում եմ, որ երիտասարդները այնքան էլ լավ չեն կառավարում, որովհետև ես սովորական քաղաքապետ չեմ եղել, ես 10 տարի փղի նման եմ քաղաքապետ եղել: Հիմա էլ ասում եմ, որ ես պատրաստ եմ իրենց մեծերի հետ մրցել, ոչ թե երեխաների: Թող բոլոր ցանկություն ունեցողներն էլ առաջադրվեն, արդար մրցակցություն լինի, ով կընտրվի՝ թող ընտրվի»:
Read more

ԻՇԽԱՆՈՒԹՅԱՆ ԱՆԱՏՈՄԻԱ

Արծրուն Պեպանյան

Ճակատագրի կամոք 1993-ին ինձ հնարավորություն ընձեռվեց շատ մոտիից շփվել իշխանական բուրգի վերնախավի հետ: Դա այն ժամանակն էր, երբ մեծամասնությունը նոր-նոր իշխող կուսակցությունից արտաքսել էր Վազգեն Մանուկանին՝ իր թիմակիցներով հանդերձ: Ու հաղթանակած խաղաղություն էր տիրում վերնախավում:
Սակայն շատ չանցած մի նոր ընդվզում առաջացավ, և ՀՀՇ վարչության ութ անդամներ իրենց բուռն դժգոհությունն էին արտահայտում նախագահի վարած քաղաքականությունից: Պայքարը տևեց մոտ մեկ տարի, մեծամասնությունն այս անգամ էլ կուսակցությունից դուրս շպրտեց դժգոհողներին: Եվ ապա նկատվեց մի երևույթ՝ հեռացած սկզբունքային անդամների փոխարեն կամաց-կամաց վերնախավը համալրվեց հլու, սեփական տեսակետը չունեցող կամ ունեցածը պնդելու ոչ ունակ մարդկանցով: Նրանց մի մասը դարձավ պատգամավոր:
Read more

Աբովյան քաղաքում առևտրականները գրոհել են հարկային տեսչության պետի աշխատասենյակը

Այսօր՝ նոյեմբերի 30-ին, արտակարգ իրավիճակ է ստեղծվել Կոտայքի մարզում:
Ինչպես Աբովյան քաղաքից հայտնում է ֆոտոլրագրող Գագիկ Շամշյանը, մոտ 200-ից ավելի մանր և միջին բիզնեսով զբաղվող առևտրականներ բողոքի ակցիա են անցկացրել Աբովյանում: Նրանք Աբովյան քաղաքի հարկային տեսչության պետից պահանջում էին պարզաբանել, թե ինչու է տեսչությունն առևտրականներին հարկային տեռորի ենթարկում:
Ֆոտոլրագրողի հետ զրույցում առևտրականները բարձրաձայնում էին, որ հարկայինի աշխատակիցները արհեստական խնդիրներ են ստեղծում իրենց համար. փորձում են «գործ սարքել» իրենց գլխին, ստիպում, որ ավել գումարներ վճարեն, իսկ ովքեր հրաժարվում են, սպառնում են հաշվեհարդար տեսնել՝ առևտրականներին սնանկացնելով:

Read more

Նոր շուկա ու քաղաքակիրթ առևտուր

Աբովյան քաղաքում վաճառականները նստում էին որտեղ հարմարվեր, իրենց ապրանքը վաճառում էին այս կամ այն ծառի տակ, ինչը նաև քաղաքին տհաճ տեսք էր տալիս:

Կար խնդիր` վերացնել փողոցում տեղի ունեցող առևտուրը, ոչ միայն գեղեցկության, այլ նաև հիգիենայի առումով:

Մի քանի օր առաջ Գագիկ Ծառուկյանի միջոցներով Աբովյան քաղաքում շուկա է կառուցվել, որտեղ քաղաքի բոլոր առևտրականներն են, ովքեր հարամարավետ պայմաններում են առևտուր անում և ոչ ոքի ոչ ոքի գումար չեն վճարում:

Այս քայլով բնակիչներին հնարավորություն է տրվել քաղաքակիրթ առևտուր անելու, իրենց ապրուստի միջոցները վաստակել առանց իրենց առևտրի կետի համար գումար վճարելու:

Շուկայում կան վաճառականներ, ովքեր ամեն առավոտ գալիս են Հրազդանից, իրենց ձևակերպմամբ` քաղաքակիրթ առևտուր անելու համար:

Operativ.am-թղթակցի հետ զրույցում Աբովյանում առևտրով զբաղվող հրազդանցիներն ասացին, որ իրենք էլ մեծ ցանկություն ունեն, որ Հրազդանում էլ նման շուկա կառուցվի, սակայն իրենց քաղաքապետից` Արամ Դանիելյանից նման բան չեն սպասում:

Նրանք ասացին, որ սա թող օրինակ լինի նաև Հրազդանի քաղաքապետի համար, իրենք էլ են ուզում նորմալ պայմաններում նստել, առևտուր անել, մաքուր բանջարեղեն ապահովել սպառողին:

Նորակառույց շուկայում եռուզեռն սկսվում է առավոտյան ու ավարտվում երեկոյան, տեղի վաճառողները գոհ են` ծածկի տակ են, ու ամեն անձրևի կաթիլից հետո տուն չեն վազի:

Առավել մանրամասն` տեսանյութում:
Operativ.am կայք:

Ծառուկյանը ուզում էր հայկական ճոխ եկեղեցի

«Առաջին լրատվական»-ի զրուցակիցն է Աբովյանի նորակառույց Սուրբ Հովհաննես Մկրտիչ եկեղեցու ճարտարապետ Արտակ Ղուլյանը:

– Պարոն Ղուլյան, նախօրեից քննարկվում է Սուրբ Հովհաննես Մկրտիչ եկեղեցու՝ ոչ հայկական եկեղեցու ճարտարապետության մոտիվներով կառուցված լինելը, որ սրբապատկերներն էլ բյուզանդական են:

– Հայաստանում եթե որևէ մեկը կհամարձակվի հեռուստատեսությամբ թե օպերայի հրապարակում ճարտարապետության տեսության պատմության մասին դեմ առ դեմ գա և բանավիճի, խնդրեմ: Ես բոլորին անխտիր՝ ակադեմիկներից մինչև ուսանող, միասին կամ առանձին, հրավիրում եմ բանավեճի: Թող մեկը համարձակվի ճարտարապետության դոկտորատուրան ավարտած, 30 տարվա դասախոս, գիտաշխատող, բոլորին քաջ ծանոթ որպես ռեստավրատոր և գիտնական (բոլորը զանգում են ինձնից են դիպլոմային նախագծի կամ գրքի խորհրդատվություն խնդրում), ես տեսաբան, գիտնական ճարտարապետ եմ, և թող մեկը համարձակվի ինձ հետ բանավիճել, ոչ թե բամբասանքի և փողոցային տգիտության լեզուն, որը մեր ժողովրդից դուրս չի գալիս: Ի՞նչ է նշանակում, եթե բոլորդ հիանում եք Աղթամարով, Զվարթնոցով, Գանձասարով, Նորավանքով, Մակարավանքով, թե ինչ է մի քանի զարդաքանդակ ավելի կա, ու հանկարծ Արտակ Ղուլյանի զարդաքանդակները ձեր քիմքի՞ն չեն: Ժողովուրդը հիացած է: Եկեղեցու լուսանկարները 3500 «լայք» են հավաքել ֆեյսբուքյան էջում, դա հաշվել են 15.000 ձայն է ստացվում, եթե որպես ճարտարապետ քվեարկեն, ես Հայաստանում 99 տոկոսով բոլորին կհաղթեմ:

Read more

Սուրբ Հովհաննես Մկրտիչ եկեղեցու օծման արարողությունը

«Բարգավաճ Հայաստան» կուսակցության առաջնորդ Գագիկ Ծառուկյանի տրամադրությունը շատ բարձր է, քանի որ հասել է իր նպատակին` եկեղեցին հանձնելու է տերերին` հայ ժողովրդին: Աբովյանում Սուրբ Հովհաննես Մկրտիչ եկեղեցու բացման արարողության ժամանակ հայտարարել է ինքը` Գագիկ Ծառուկյանը:

«Եկեղեցին բոլորինն է, հայ ժողովրդինը: Բոլորի առջեւ դուռը բաց է»,- նշել է Ծառուկյանը եւ հավելել, որ բոլորին հրավեր ուղարկվել է` առաջին, երկրորդ եւ երրորդ նախագահներին ու Րաֆֆի Հովհաննիսյանին: Հարցին, թե որն է պատճառը, որ նրանցից մի քանիսը չկան, Ծառուկյանը պատասխանել է. «Թող իրենք իրենց խղճի առջեւ պատասխան տան, մենք բոլորին հրավիրել ենք»:

Read more