News/Նորություններ

The main “Vozni” (Hedgehog) of the Republic visits the Abovyan-in Armenian

հանրապետության գլխաոր Ոզնին Հոկտեմբերի 5-ին դանդաղ,բայց հաստատակամ քայլերով Աբովյան մտավ :
Ում որ ծանոթ չէ այս անունը,ասենք որ դա հանգերն իրար կապող եւ կապված հանգերով բազմաթիվ հաղորդաշարեր ստեղծող, «Ոզնի»երգիծաթերթի գլխ.խմբագիր, «Ծիծաղի տուն» հաղորդաշարի վարող,մեր սիրելի «first class» թամադա Արամայիս Սահակյանն է:առաջին իսկ պահից տիրեց ջերմ եւ ընկերական մթնոլորտ՝ հանձինս պարոն Սահակյանի հումորային պատմությունների, որին մասնակցում էին նաեւ ուսանողները եւ աշակերտները, էլ ի՞նչ մեղքս թաքցնեմ նաեւ մենք՝ ձեր խոնարհ ծառան՝ www.abovyan.com -ը:

-Ընտանիքով գնացել էինք Ջերմուկ, լավ հարգեցին, պատվեցին, վերջում հաշիվը խնդրեցի, ասացին թե՝ պրն. Ոզնի, մենք կենդանիներից հաշիվ չենք վերցնում:
Ահա այսպիսի ջերմ մթնոլորտում անցավ հանդիպումը աբովյանցիների հետ, որի համար առաջին հերթին շնորհակալ ենք պրն. Գարուշ Հակոբյանից:
Ջերմությունն իհարկե փոխադարձ էր. մեր աշակերտները ասմունքեցին նրա գրած բանաստեղծությունները, որոնք հեղինակի խոսքերով «ավելի լավ կատարեցին, քան ես գրել եմ »:

Նրա խոսքերով գրված մի քանի երգ էլ կատարեց երգիչ Մամիկոն Բադալյանը, այնպես որ հանդիպումը կարող ենք համարել կայացած:

-Շնորհակալ եմ ձեր բարձր  անձերի եւ ցածր աշխատավարձերի համար:

Իսկ ամենավերջում «Ոզնի պապիկը» իր անձնական քարտերը նվիրեց ներկաներին՝ իր ինքնատիպ եւ հումորային մակագրություններով:

Մենք էլ մեր շնորհակալությունն ենք հայտնում եւ թողնում մեր մակագրությունը.
«Երգեր ունես դու բազում-բազում,
Ոզնի անունը քեզ շատ է սազում»:
Հարգանքներով՝ www.abovyan.com

 

 

Related posts

Leave a Comment