>
Media/Մամուլ News/Նորություններ

Աբովյանում նշվեց Հայոց Բանակի օրը

Ամեն տարի հունվարի 28֊ը տոնականորեն նշվում էր Հայոց Բանակի օր։ Սակայն այս տարի պատերազմը իր դաժան հետքը թողեց։
Աբովյան քաղաքում «Հանուն սահմանի» նախաձեռնությամբ Հայոց Բանակի օրը նշվեց հիշատակի միջոցառումներով:

Հայրենական պատերազմի «Անմար կրակ»-ը վերածվեց մերօրյա պատերազմի մասնակից աբովյանցի հայորդիների լուսանկարներով, ովքեր իրենց կյանքը նվիրեցին հայրենիքին ՝ հերոսանալով անձնուրաց սխրագործություններով ։ Քաղաքացիները հարգանքի տուրքն ու խոնարհումն էին արտահայտում ծաղիկներ խոնարհելով՝ հերոս զինվորների լուսանկարների առջև:
Մի շարք պարային խմբեր շուրջպար էին նախաձեռնել Տրդատ Երրորդի արձանի շուրջ։

Միջոցառման մասնակիցներն իրենց ելույթներով ոգևորման խոսքեր ուղղեցին սահմանին ծառայող զինվորներին ՝ ցանկանալով նրանց ուժ և կորով հայրենիքի սահմանները անսասան պահելու պատգամով։
Աբովյանցիները հոգևոր առաջնորդների գլխավորությամբ մոմավառության երթով շարժվեցին “Անմար կրակ”֊ի հուշահամալիր` մեր հերոսների հիշատակին հարգանքի տուրք մատուցելու, որտեղև հոգևոր առաջնորդ Տեր Մաշտոց քահանան հիշատակի աղոթք կարդաց։

Related posts