>
Articles/Հոդվածներ

Sardarapat Movement

Ազգ – Բարոյականություն – Պետություն
Սարդարապատ շարժումը օրհասական այլընտրանք է, այն քաղաքականության և քաղաքաքական կազմակերպություններին, որոնք վարկաբեկել են և քաղաքականությունը և հայկական պետականությունը հայ ժողովրդի գիտակցության մեջ:
Արդի իրավիճակի մեր գնահատականն է. խորքային պետական, հասարակական և բարոյական ճգնաժամ, որը համարում ենք ոչ պատահական տրամաբանական ավարտ հանցագործ օլիգարխիկ տնտեսության, քաղաքականության և բարոյականության:
Սարդարապատ շարժումը արձանագրում է, որ Հայաստանը կրկին կանգնած է լուրջ մարտահրավերների առջև, որոնք պահանջում են ազգի առողջ ուժերի համախմբում և միասնական պայքար:
Ժամանակն է հայոց երկիրը վերադարձնել հայ ժողովրդին:
 
 

"Սարդարապատ" շարժումը վերկուսակցական ազգային-քաղաքական նախաձեռնություն է, որի նպատակներն են.

-անկախ կուսակցական և գաղափարախոսական տարաձայնություններից միավորել ամբողջ աշխարհի հայ մարդկանց Հայաստան պետության կայացման գաղափարի շուրջ.

-օգտագործելով առկա հնարավորությունները քաղաքական, կրթական, քարոզչական և այլ ոլորտներում տարածել և հետապնդել շարժման գաղափարները, որպես հիմք երկրի, պետության և  ազգի զարգացման .

-Հայաստանում հաստատել սահմանադրական կարգ:

 

"Սարդարապատ" շարժումը այլընտրանք է իրականացվող այն քաղաքականության և քաղաքաքական կազմակերպություններին, որոնք հայ ժողովրդի գիտակցության մեջ վարկաբեկել են և քաղաքականությունը և հայկական պետականությունը:

Արդի իրավիճակի մեր գնահատականով Հայաստանի Հանրապետությունը գտնվում է պետական, հասարակական և բարոյական խորը ճգնաժամի մեջ, որն առաջացել է  քրեա-օլիգարխիկ  քաղաքական և տնտեսական առկա կառավարման համակարգի արդյունքում:

"Սարդարապատ" շարժումը արձանագրում է, որ Հայաստանը և հայությունը արտաքին քաղաքական, տնտեսական և բարոյական ճնշումների հետևանքով կրկին կանգնած է լուրջ մարտահրավերների առջև:

Արձանագրում ենք, որ ՀՀ-ի առջև ծառացած բոլոր սպառնալիքների աղբյուրը Հայաստանում Սահմանադրական կարգի բացակայությունն է:

Արձանագրում ենք նաև, որ ժողովրդի կողմից իշխող ռեժիմի դեմ դիմադրական գործողությունների պատրաստակամությունն առկա է, աճում է, և Սարդարապատե շարժման  խմդիրն է այն մոբիլիզացնելու և առաջնորդելու:
 

"Սարդարապատ"-ի համոզմունքն է.

– միայն օրինականության առկայության պայմաններում է ապահովված ազնիվ, պարկեշտ և օրինապաշտ մարդու շահերը

– անհնար է իրականացնել հասարակական բարեխոխումներ առանց հայ մարդու, հասարակության բարեփոխման,

– պետության կայացումն ու զարգացումը պայմանավորված են երկրի

քաղաքացու կերպարի կերտման և իրավագիտակցության կայացման և ամրապնդման միջոցով,

– Հայաստանի առջև ծառացած մարտահրավերների հաղթահարումը և երկրի տարածքային ամբողջականության պաշտպանությունը պահանջում են համարժեք քաղաքական, ռազմական, սոցիալական, տնտեսական և բարոյահոգեբանական իրավիճակի հաստատում երկրի ներսում,

 
"Սարդարապատ" շարժման խնդիրներն են.

 1.ձևավորել համահայկական վերկուսակցական ցանցային կառույց, որն իր կազմով և գործառույթներով հետապնդում  է  ռազմավարական ծավալի և ժամկետների խնդիրներ,

2.մշակել և ձևակերպել ժամանակակից Հայաստան պետության և հայ հասարակության կայացման և զարգացման առավել արդյունավետ ծրագրեր, զերծ կուսակցակական կաղապարներից և շահերից, հենվելով Հայաստանակենտրոնության վրա,

3.նպաստել հայ հասարակության կրթամշակութային բարեփոխմանը, այն համարելով հայկական պետության ստեղծման  հիմք և աղբյուր 

4.տարածել "Սարդարապատ"-ի գաղափարները հասարակական, քաղաքական, մասնագիտական, սպորտային, երիտասարդական և այլ կազմակերպությունների շրջանակներում,

5.ստեղծել այլընտրանքային խորհրդարան իր մասնագիտական հանձնաժողովներով, որի կայացումը մոբիլիզացնելու է հայ մարդկանց, քաղաքացիներին, որոնց կամարտահայտման միջոցով հնարավոր կլինի իշխանությունից հեռացնել հակահայ այս ռեժիմը և ապագայում արդար ընտրությունների միջոցով հաստատել երկրում ժողովրդի իշխանություն:

"Սարդարապատ" շարժման առանցքային սկզբունքներն են hայաստանակենտրոնությունը, համահայկականությունը, հասարակական համերաշխությունն ու հասարակական զարգացումը:

"Սարդարապատ" շարժումը բաց է Հայաստանի բոլոր քաղաքացիների և արտերկրում բնակվող հայերի համար:

Օրվա հրամայականն է Հայոց Հայրենիքը վերադարձնել իր օրինական և միակ տիրոջը` հայ ժողովրդին:

"Սարդարապատ" շարժման նախաձեռնող խումբ

Հասցե՝ Երևան, Նիկոլ Դուման 51, բն. 3

Facebook.com : ՍԱՐԴԱՐԱՊԱՏ ՇԱՐԺՈՒՄ

Էլ.փոստ sardarapatsharzhum@gmail.com

Հեռ. (374+10) 27-77-83 (374+93) 43-45-79

Related posts

Leave a Comment